今次邀請到 愛爾蘭地產資訊 的群組谷主分享她的故事。Crystal 在愛爾蘭十七年了, 讀書, 回港工作, 再回流愛爾蘭, 現在在愛爾蘭有家庭, 有事業, 並會分享大家比較關心的地產資訊。但我們今次不是談樓巿喔, 到底她的故事是怎樣的呢? 一起看看吧！
你好, 謝謝你接受訪問, 請你簡單介紹自己?
你好，我叫Crystal, 已經黎愛爾蘭17年了，住在Dublin, 在地產公司工作。
請問當初為什麼選擇移民愛爾蘭呢?
當初是因為有親戚在愛爾蘭，所以先過來讀書，畢業後有家庭便留在愛爾蘭定居。
請問你以什麼途徑移民愛爾蘭呢?
愛爾蘭配偶身分
有沒有在愛爾蘭找工作或創業的經驗可分享一下?
我覺得有朋友介紹好重要，如果無朋友介紹的話，可以試下搵recruitment agency, 有Stamp 4的話會較易找到工作。
你最喜歡愛爾蘭的哪一方面呢?
我一直都好喜歡愛爾蘭，呢邊生活簡單，愛爾蘭人好Friendly, 而且生活無壓力。我畢業後在香港工作了3年，感覺壓力太大，連過條馬路也感覺到壓力，所以最後都係選擇返愛爾蘭生活，而且小朋友返學都比較輕鬆，我香港朋友的仔女在香港2，3歲就要學好多野，我覺得壓力太大了。
有沒有在愛爾蘭的難忘經歷分享?
我記得剛黎愛爾蘭時，當時我在埠仔讀書，而且華人是比較少，其他同學會以為我都識功夫，成日撩我同佢地打Chinese Kung fu, 我通常都會扮識，然後擺好個post, 佢地一見到就怕，馬上會走開，現在諗返起都覺得好笑。佢地睇得太多Jackie Chan既戲，現在多左好多華人，我相信應該唔會再有咁既情況。
有沒有在愛爾蘭的不愉快經歷分享?
無特別不愉快的經歷，就是覺得本地人做事有點慢，始終我在香港咁快速的地方生活過，都係鐘意快而有效率既服務。
好多朋友都想知移民後有什麼娛樂, 請問你在愛爾蘭有什麼娛樂, 消遣或興趣嗎?
其實愛爾蘭真係幾悶，以前通常係飲酒食飯唱K，而且中餐選擇好少，但現在有家庭了，活動都是帶小朋友去郊外放電，或到朋友家。
有什麼建議給打算移民愛爾蘭的朋友呢?
愛爾蘭的確比較悶，比唔上英國大城市，但生活環境確係唔錯，一開始可能會覺得好悶會唔慣，而且好多野想買也不一定買到，但漸漸你會喜歡愛爾蘭既寧靜和安穩既生活。多數移民過黎既都是家庭，佢地最在意都是學校和住屋，建議佢地可以多問問在愛爾蘭生活既華人，或者可以在愛爾蘭論壇睇睇本地人的真實意見, 例如boards.ie
有沒有其他你想加添的問題及答案?
沒有
有沒有你的專頁/公司網址分享, 讓我們更了解你呢?
大家可以follow我公司Facebook專頁 “Vanke Ireland” ( https://www.facebook.com/vankeireland ) 或加入”愛爾蘭地產資訊” ( group ( https://www.facebook.com/groups/191007302011868 ), 可以更了解愛爾蘭投資移民/地產資訊。
謝謝你接受訪問, 祝你生活愉快!
*訪問中的照片由受訪者提供
*注意: 問答內容由受訪者提供 , 原汁原味, 保有受訪者風格, 也是受訪者的立場, 不代表本網站立場, 而本網站與所有受訪者亦沒有任何商業, 廣告, 等合作。訪問目的純粹為興趣, 吹水, 好玩, 以及為有興趣了解愛爾蘭人士提供真實故事, 以作參考, 多謝支持及意見!