Dian 推出了 移民愛爾蘭貼士及生活 專頁為大家分享愛爾蘭有趣又實用的資訊, 原來她在愛爾蘭轉眼間二十多年了, 歲月匆匆, 想看看她在愛爾蘭的故事嗎?
你好, 謝謝你接受訪問, 請你簡單介紹自己?
各位，我系Dian. 我係愛爾蘭住 大概21年啦,從1999年到現在，曾經住過覺得個Cork,愛爾蘭南部，Tipperary愛爾蘭中部，現在住Co Dublin 北部。
在愛爾蘭做過會計，一啲文職工作有做過buyer/planer同cash administers ，
現在主力都係做投資移民。
請問當初為什麼選擇移民愛爾蘭呢?
通常都係有親戚喺愛爾蘭，來到愛爾蘭讀書，做過學生。跟住識咗我先生，都係香港人。就留低咗。老公做個行業比較特別，係從事賽馬競賽，以前沒有中國人在愛爾蘭做馬圈，有的都是日本人。
跟住自己同老公開咗一間咖啡店。
因為小朋友長大啦，從中部搬出Dublin , 想住返City，始終是小鎮，小朋友學習多元化的活動大多在Dublin 啲。
請問你以什麼途徑移民愛爾蘭呢?
20年前到愛爾蘭讀書，糸學生身份，因為先生有工作證關係，所以我可以用其他Stamp 3身份去搵工,( 以前stamp 3 都要出工作證㗎,不過自己出比自己)
我本人就冇EU護照嘅,
所以係愛爾蘭裏面基本Stamp. 1, 2, 3 and 4我都攞暈㗎，所以申請入籍比較熟悉，而家每年都會有啲變化，都係相差不大嘅。
有沒有在愛爾蘭的找工作的經驗可分享一下嗎?
在愛爾蘭你冇身份基本好難搵到工（指鬼頭工種），基本上IT,會計及工程嘅工比較容易。有啲工係需要我哋要中文嘅話有機會都會大好多囉。
如果有機會見工你，要好有自信present到你自己能力，communication skills,英語溝通能力唔暢順，基本上你見成工嘅機會成本係好低。
你最喜歡愛爾蘭的哪一方面呢?
老實基本愛爾蘭大部份真係有善心，做事好慢條斯理，千祈唔好急。做事都比較均真。唔係咁貪心。
有沒有在愛爾蘭的難忘經歷分享?
有啊,有一次交通意外，然之後燕梳公司陪咗好多錢。
有沒有在愛爾蘭的不愉快經歷分享?
有一次 Renew Stamp 第一次遇到咁衰愛爾蘭人, 態度行為好差,預約咗都放飛機，他對所有非歐盟人都係一樣。成日都講，唔係邊一個國籍嘅人嘅問題，係嗰個人嘅人品問題。
有什麼建議給打算移民愛爾蘭的朋友呢?
有沒有你的專頁/公司網址分享, 讓我們更了解你呢?
建議有心移民愛爾蘭嘅朋友，有心理準備工作嘅工資一定冇香港咁高，但係一定會有好多家庭樂。愛爾蘭真係冇乜大娛樂嘅，同埋有時向找工作個方面，要放下身段。
之前愛爾蘭移民唔係大熱門，所以我和一個項目方合作，以freelance 嘅工作,好多香港嘅客人俾咗意見，叫我在香港註冊間公司俾多啲信心。現在就比較忙,剛剛喺香港註冊咗一間移民公司. 好多嘢都未整好(因為返吾到香港）, 所以，如果有興趣嘅朋友可以WhatsApp 或 messenger 我。
因為呢個平台系分享，所以我就唔想擺公司名，及對其他同行都唔系禁公平，我覺得係外國做到公平競爭，同埋對客人嘅得益，給客人考慮嘅先決條件。
因為好失望，而家香港個營商環境及情況非常唔公平，唔公平嘅事我自己都經歷過。
有沒有其他你想加添的問題及答案?
其他問題：
好多香港人對找學校個方面比較着緊，其實係外國讀書同香港唔同，千祈唔好再用虎父虎媽嘅心態，一定要了解自己嘅小朋友専長去栽培。先解決住屋問題，然後你先搵學校最好嘅。
謝謝你接受訪問, 祝你生活愉快!
小編按: 這是 Dian 個人Facebook聯絡資料 及專頁 移民愛爾蘭貼士及生活
*注意: 問答內容由受訪者提供 , 原汁原味, 保有受訪者風格, 也是受訪者的立場, 不代表本網站立場, 而本網站與所有受訪者亦沒有任何商業, 廣告, 等合作。訪問目的純粹為興趣, 吹水, 好玩, 以及為有興趣了解愛爾蘭人士提供真實故事, 以作參考, 多謝支持及意見!